Dúnıejúzilik munaı keńesiniń májilisinde «Mura» qory bekitildi
ASTANA. 3 qazan. QazAqparat - Astanadaǵy Dúnıejúzilik munaı keńesiniń májilisinde «Mura» qory bekitildi. Bul týraly búgin atalǵan májilisten keıingi baspasóz máslıhatynda DMK prezıdenti Rınato Bertanı málim etti.
Belgili bolǵandaı, atalǵan qor DMK-ǵa múshe elderde áleýmettik baǵdarlamalardy júzege asyrý maqsatynda quryldy. Qor bilim berý baǵdarlamalaryn, kásibı daıyndyq jáne qaıta daıarlaý baǵdarlamalaryn júzege asyrýmen aınalysady. DMK basshysynyń aıtýynsha, búginde qor qarjysy 200 myń eýrony qurap otyr.
Onyń paıymdaýynsha, qordaǵy atalǵan qarjy aldaǵy ýaqytta birneshe esege artatyn bolady.
