«Dúnıejúzilik metrologııa kúni» UNESCO aıasynda atalyp ótilmek

ASTANA. QazAqparat - 2022 jyldyń 15-18 qarashasy aralyǵynda Frantsııanyń Versal qalasynda «Ólshem nátıjeleriniń jahandyq salystyrmalylyǵyn ilgeriletý jáne damytý úshin birlesip jumys isteý» uranymen salmaq pen ólshem boıynsha 27-shi Bas konferentsııa ótip jatyr, dep habarlaıdy QazAqparat.

Konferentsııa barysynda 60-tan astam elden kelgen 300-ge jýyq qatysýshy Qazaqstannyń Dúnıejúzilik metrologııa kúnin UNESCO oqıǵasy dep taný týraly usynysyn qoldady. Endi bul sheshimdi UNESCO Bas konferentsııasynyń 42-sessııasy ratıfıkatsııalaıdy, odan keıin UNESCO aıasynda Dúnıejúzilik metrologııa kúni atap ótiledi.

Bul shara Dúnıejúzilik metrologııa kúnin ilgeriletý úshin BIPM (Halyqaralyq salmaq pen ólshem bıýrosy) jáne OIML (Halyqaralyq quqyqtyq metrologııa uıymy) úshin jańa múmkindikter ashady.

Eske salaıyq, Qazaqstan 1992 jyldyń 22 mamyrynan bastap Birikken Ulttar Uıymynyń bilim, ǵylym jáne mádenıet máseleleri jónindegi uıymynyń (UNESCO) múshesi bolyp tabylady. Sondaı-aq Qazaqstan Saýda jáne ıntegratsııa mınıstrligi Tehnıkalyq retteý jáne metrologııa komıteti jáne «QazStandart» RMK atynan 2008 jyldan bastap Halyqaralyq salmaqtar men ólshemder uıymynyń (BIPM) 52-shi tolyq múshesi sanalady.

Aıta keterligi, Qazaqstan ekonomıkasyn álemdik arenaǵa shyǵaratyn negizgi faktorlardyń biri ulttyq metrologııalyq ınfraqurylymdy BIPM jáne OIML jetekshilik etetin jahandyq metrologııa júıesine sáıkes keltirý bolyp tabylady. Búgingi tańda Qazaqstan osy ǵylymı jáne zańnamalyq metrologııalyq uıymdardyń qyzmetine belsendi túrde qatysady, jáne Qazaqstannyń metrologııa júıesi elimizdiń ekonomıkalyq kórsetkishterine óz úlesin qosýda.

Foto: metrologi.madpo.ru