Dúnıejúzilik kóshpendiler oıynyna arnalǵan monetalar bir kúnde satylyp ketti
BІShKEK. QazAqparat - Dúnıejúzilik kóshpendiler oıynyna (DKO) arnalǵan kollektsııalyq kúmis monetalardyń búkil tırajy bir kúnde satylyp ketken. Bul týraly DKO hatshylyǵy habarlady.
Qyrǵyzstan ulttyq bankiniń ókilderi mundaı oqıǵanyń bank tarıhynda tuńǵysh ret oryn alǵanyn aıtýda. Bir táýlikte Qyrǵyz respýblıkasynyń ulttyq bankiniń Bishkektegi bas keńsesiniń kassasy shekteýli 1000 dana tırajben shyǵarylǵan monetalardyń bárin aınalymǵa shyǵarǵan.
Erekshe tórtburysh dızaında estelik retinde shyǵarylǵan 10 somdyq monetalar 3-8 qyrkúıek kúnderi Qyrǵyzstanda, Ystyqkól jaǵasynda ótetin Ekinshi Dúnıejúzilik kóshpendiler oıynyna arnalyp otyr.
