Dúnıejúzilik kóshpendiler oıyny: qazaqstandyqtar sporttyń qaı túrinen júlde alýy múmkin

ASTANA. QazAqparat – Túrkııada ótetin IV Dúnıejúzilik kóshpendiler oıyndarynda Qazaqstan quramasy sporttyń 5 túrinen saıysqa túsedi. Ortalyq kommýnıkatsııalar qyzmetinde ótken brıfıngte Ulttyq jáne at sporty túrleri ortalyǵynyń dırektory Baqdáýlet Sábıtov qazaqstandyq top qaı saıystan júlde alýy múmkin ekenine boljam jasady, dep habarlaıdy QazAqparat tilshisi.

«Negizi 4 sporttan baq synaımyz. Al besinshisi retinde qyrǵyz sportynyń bir túri «Kókbóri» degenge de komanda qoıyp otyrmyz. Jalpy 5 sport túrinen bizdiń qatysýshylarymyz, shabandozdarymyz, sadaqshylarymyz - «sen tur, men ataıyn» degen azamattar men azamatshalar. Sondyqtan biz barlyǵynan da úlken úmit kútemiz. Jeńisti 1-2 oryndardan kórinip qalarmyz», - dedi spıker.

Eske salaıyq, 29 qyrkúıek pen 4 qazan aralyǵynda Túrkııanyń Iznık qalasynda IV Dúnıejúzilik kóshpendiler oıyndary ótedi.