Dúnıejúzilik kóshpendiler oıyndary: Qazaqstan kókparshylary jartylaı fınalǵa shyqty
Cholpon-Ata. QazAqparat - Búgin qazaqstandyq sportshylar túrli dárejedegi 9 medal enshiledi. Onyń 6-kúmis, 3- qola, dep habarlaıdy QazAqparat.
QR Mədenıet jəne sport mınıstrligi Sport jəne dene shynyqtyrý komıtetiniń baspasóz qyzmetinen habarlanǵandaı, 9 medaldyń 6-y kúmis, 3-i qola. Atap aıtqanda, Qyrǵyz kúresinen Muhamedjanov Álisher (55 kg), Bereketov Meıirjan (60kg), Staneev Leonıd (84kg), Qalıev Arman (96kg) kúmis medal ıelendi. 66 kelide óner kórsetken Qyrǵyzbaev Ǵumar qola medalǵa ıe boldy. Mangala sportynan erler arasynda komandalyq esepte Qazaqstan quramasy kúmis medal alsa, áıelder arasynda da Qazaqstan enshisinde kúmis medal bar. Jekeleı esepte qola medalǵa Gúlnur Bazaralıeva qol jetkizdi. Erler arasynda jekeleı esepte Maqsat Shotaev qola medal ıelendi.
«Sonymen qatar, búgin alańǵa kókparshylarymyz shyqty. Otandyq sportshylar alǵashqy oıynyn Reseıdiń Krasnoıarsk ólkesinen kelgen komandamen ótkizip, 15-3 esebimen jeńdi. Ekinshi oıynda ulttyq qurama AQSh quramasymen kezdesip, oıyndy 20-9 esebimen - jeńispen aıaqtady.
Erteń 6 qyrkúıekte qazaqstandyq kókparshylar ózbekstandyq sportshylarmen kezdesedi», - delingen habarlamada.
Osylaısha kókpardan Qazaqstan quramasy S tobynan ońaı shyǵyp, jartylaı fınalǵa joldama aldy.
