Dúnıejúzilik kóshpendiler oıyndary: Qazaq kókparshylary Krasnoıarsk komandasymen kezdesedi

ASTANA. QazAqparat - QR Mádenıet jáne sport mınıstrliginiń Sport jáne dene shynyqtyrý isteri komıteti III Dúnıejúzilik kóshpendiler oıyndary Qazaqstan kókparshylarynyń qatysatynyn rastady, dep habarlaıdy QazAqparat tilshisi.

Aıta ketsek, buǵan deıin birqatar BAQ betteri men áleýmettik jelilerde Qyrǵyz Respýblıkasynda ótip jatqan III Dúnıejúzilik kóshpendiler oıyndarynda kókpardan Qazaqstan quramasy jalǵa at ala almaýy sebepti oıynǵa qatysa almaıtyny týraly aqparat shyqqan bolatyn.

«Kúni keshe kóptegen qazaqstandyq jáne qyrǵyzstandyq BAQ Kókpardan Ulttyq quramanyń III Búkilálemdik kóshpendiler oıyndaryna qatysýdan bas tartqany jóninde aqparat shyqqan bolatyn. Bizdiń taraptyń uıymdastyrýshylarǵa oıynnyń erejeleri boıynsha suraqtary týyndady. Búgingi tańda barlyq másele sheshildi. Bizdiń komanda oıyndarǵa qatysady, eshkim eshqaıda ketken joq. Erteń ulttyq qurama Reseıdiń Krasnoıarsk ólkesinen kelgen komandamen kezdesedi», - dedi QR Mádenıet jáne sport mınıstrliginiń Sport jáne dene shynyqtyrý isteri komıtetiniń baspasóz hatshysy Raýhan Toǵymbaeva óziniń Feısbýk paraqshasynda.