Dúnıejúzilik kóshpeliler oıyndary: Báıge jeńimpazy 94 kólik utyp alǵan
ASTANA. QazAqparat - Dúnıejúzilik kóshpeliler oıyndarynda óziniń sáıgúligimen báıgede ozyp shyqqan Jenısh Batyrkýlov buǵan deıin túrli jarystardan 94 kólik utyp alǵan, dep habarlaıdy Sputnik.kg.
Seısenbi kúni Jenısh Batyrkýlov 80 shaqyrym qashyqtyqtaǵy alaman báıgede óziniń Aq Qula atty tulparymen oq boıy ozyq shyqty.
Batyrkýlovtyń aıtýynsha, ol 25 jyldan beri at jarystaryna qatysyp keledi, sonymen birge Cholpon Atadaǵy "Asanbek-ata" jylqy zaýytynda jumys isteıdi. «Osyǵan deıin men túrli jarystardan 94 kólik utyp aldym jáne Qazaqstan Prezıdenti Kýbogyn jeńip aldym. Bul oıyndarǵa aıdan astam ýaqyt daıyndaldym jáne kútken úmitim aqtaldy», - dedi Batyrkýlov.
Birinshi oryn úshin ol 400 myń som alady. Cholpon Ata qalasynda 62 el sportshylarynyń qatysýymen 3-8 qyrkúıek aralyǵynda ІІ Dúnıejúzilik kóshpeliler oıyndary ótip jatyr. DKO-2016 baǵdarlamasyna 26 ulttyq sport túrleri engen.
