Dúnıejúzilik kitap kúninde QR Ulttyq akademııalyq kitaphanasy 10 jyldyǵyn atap ótýde
ASTANA. QazAqparat - QR Ulttyq akademııalyq kitaphanasynda «Ulttyq uǵymǵa ulasqan kitaphana» degen taqyryppen ashyq esik kúnderi ótkizilýde. Shara kitaphananyń qurylǵanyna 10 jyl tolýyna jáne Búkildúnıejúzilik kitap jáne avtor quqyǵyn qorǵaý kúnine arnalyp otyr.
Saltanatty rásim barysynda oqyrmandar men kitaphana qyzmetkerleri aldynda QR Parlamenti Senatynyń depýtaty Jabal Erǵalıev, akademık Ǵarıfolla Esim, QR kitaphanalary qaýymdastyńynyń prezıdenti Roza Berdiǵalıeva jáne ózge de qoǵam jáne mádenıet qaıratkerleri sóz sóıledi.
Ǵ.Esimniń atap ótkenindeı, «Aqparattyq tehnologııalar óziniń shyrqaý shegine jetkende, baspa kitaptarynyń mańyzy keıingi kezdegideı zor bolyp qala bermek».
QR UAK alǵashqy dırektory R.Berdiǵalıevanyń aıtýynsha, Qazaqstan Prezıdenti N.Nazarbaev kitaphanany qurý kezinde munda álemniń eń zamanaýı tehnologııalaryn qoldanyp, birinshi kezekte AQSh Kongresi kitaphanasynyń tájirıbesin úlgige alýdy tapsyrǵan.
Aıta keteıik, kitaphana 20 myńnan astam oqyrmandy qabyldaıdy. Munda álemniń 52 tilinde túrli salalar boıynsha 860 myńnan astam baspa jáne mýltımedıalyq kitaptardyń baı qory jınaqtalǵan.
