Dúnıejúzilik keden uıymy Qazaqstannyń halyqaralyq taýar tasymaly tizbegindegi úlesin joǵary baǵalaıdy

ASTANA. QazAqparat – Dúnıejúzilik keden uıymynyń tóraǵasy Qazaqstannyń taýarlardy jetkizýdiń halyqaralyq tizbegindegi úlesin joǵary baǵalady, dep habaraıdy QazAqparat Memlekettik kirister komıtetiniń baspasóz qyzmetine silteme jasap.

Memlekettik kirister komıteti tóraǵasynyń orynbasary Baqytjan Slıamov Qazaqstannyń Belgııa Koroldigindegi Elshiliginiń qoldaýymen Dúnıejúzilik keden uıymynyń tóraǵasy Kýnıo Mıkýrıomen kezdesý ótkizdi.

Kezdesý barysynda kedendik ákimshilendirýdiń ozyq tájirıbeleri, sondaı-aq Qazaqstannyń keden salasyndaǵy jetistikteri talqylandy.

Sonymen qatar, Belgııa Koroldiginiń kedendik ákimshilendirý tájirıbesi zertteldi, teńiz porttaryn basqarý boıynsha tájirıbe almasýǵa múmkindik týdy.

Kýnıo Mıkýrııa Qazaqstannyń taýarlardy jetkizýdiń halyqaralyq tizbegindegi, sondaı-aq Qazaqstan júrgizip jatqan keden beketterin jańǵyrtý men kedendik ákimshilendirýdegi úlesin joǵary baǵalady.