Dúnıejúzilik gemofılııa kúnine oraı Ashyq esik kúni ótedi - Densaýlyq saqtaý mınıstrligi
ASTANA. 16 sáýir. QazAqparat - Jyl saıyn 17 sáýirde álemniń kóptegen elderi Dúnıejúzilik gemofılııa federatsııasynyń aktsııasyna qatysyp, Búkilálemdik gemofılııa kúnin atap ótedi.
Atalǵan is-shara maqsaty - osy aýyr dert problemalaryna qoǵam nazaryn aýdarý.
Búkilálemdik gemofılııa kúnine oraı Qazaqstan Respýblıkasy Densaýlyq saqtaý mınıstrliginiń bastamasymen naýqastar úshin Ashyq esik kúnderi jarııalandy, dep habarlady QR Densaýlyq mınıstrliginiń baspasóz qyzmeti.
Gematolog dárigerlerdiń keńes berý kabınetteri ornalasqan oblys ortalyqtarynyń barlyǵynda tegin keńester beriledi. Respýblıkalyq deńgeıde Astanada ornalasqan Jedel medıtsınalyq kómek respýblıkalyq ortalyǵynda barlyq kelýshilerge birqatar medıtsınalyq qyzmetter: gematologtar men ortopedterdiń keńesteri, qan uıýy faktorlary deńgeıi men ıngıbıtordy anyqtaý, dárilik preparattardy ózdiginen engizýge oqytý, býyndarǵa magnıtti rezonansty tomografııa jasaý jáne t.b. qyzmetter kórsetiledi.
Barlyq suraqtarǵa jaýaptardy 87172-702824, 87012779699 telefondary jáne hemophilia.kaz@ya.ru elektrondyq poshtasy arqyly habarlasyp, alýǵa bolady.
