Dúnıejúzilik densaýlyq saqtaý uıymy temekiniń bir oramy baǵasyn bes ese arttyrýdy usyndy
ASTANA. 14 maýsym. QazAqparat - Dúnıejúzilik saýda uıymy (DDSU) Reseıdiń densaýlyq saqtaý mınıstrligine temeki aktsızin 2020 jylǵa qaraı jeti ese arttyrýdy usyndy, dep jazady RBC Daily gazettiń qaraýyna túsken uıymnyń Reseıdegi arnaıy ókili Lýıdjı Mıglıorınıdiń hatynyń kóshirmesine silteme jasap.
Bul týraly Lenta.rý habarlady.
DDSU pikirinshe, elde aktsız mólsherlemesi 1000 tal sıgaretke 90 eýrodan asýy tıis. Eger Reseı bul usynystardy qabyldasa temekiniń bir oramy ortasha eseppen 238 rýbl (qazir 46 rýbl shamasynda) bolmaq. Mıglıorınıdiń jazýynsha, bul shara birden eki máseleni sheshedi - temeki shegetinder azaıady jáne bıýdjet túsimderi artady.
Uıymnyń esepteýinshe, mundaı stsenarıı aktsızdik túsimderdi 709 mlrd. rýblge deıin ulǵaıtady. Salystyratyn bolsaq, 2012 jyly 182 mlrd. rýbl jınaldy. Sonymen qatar temeki satý jylyna 15,7 mlrd. oramnan 6,6 mlrd-qa deıin tómendeıdi, al temeki shegetinder sany - 12 mln. adamǵa qysqarady.
Alaıda Qarjy mınıstrligi buny qolaı kórmeı otyr. Vedomstvo Reseıge kontrabandalyq temeki aǵyny qaptaıdy, al bıýdjetti aktsızdik túsimdermen toltyrý jaıyna qalady dep sanaıdy.
Densaýlyq saqtaý mınıstriniń baspasóz hatshysy Oleg Salagaıdyń aıtýynsha, DDSU-nyń usynbalary vedomstvonyń oǵan qaıtaratyn jaýabynda eskerilmek.
Eske sala keteıik, Reseıdegi temeki qarsy zańǵa sáıkes 1 maýsymnan bastap meıramhanalarda, dámhanalarda, memlekettik mekemelerde, qonaqúılerde, joǵary oqý oryndarynda, mektepterde, aýrýhanalarda, stadıondar men poıyzdarda, sondaı-aq metroǵa kiretin jerge 15 metr qashyqtyqqa deıin jáne alysqa júzetin kemelerde tyıym salynǵan. Ákimshilik quqyqbuzýshylyq týraly kodekske tıisti túzetý engizilgennen keıin azamattarǵa ony oryndamaǵany úshin 1 myńnan 1,5 myń rýblge deıin aıyppul salynbaq.
