Dúnıejúzilik densaýlyq saqtaý uıymy Qazaqstandy bezgekten azat el retinde tanydy

Bul jóninde Dúnıejúzilik densaýlyq saqtaý uıymynyń bas dırektory, doktor Margaret Chenniń Qazaqstan Respýblıkasynyń Densaýlyq saqtaý mınıstri Salıdat Qaıyrbekovanyń atyna joldaǵan hatynda aıtylǵan»,-dep habarlady Densaýlyq saqtaý mınıstrliginiń baspasóz qyzmetinen.

Atalhan hatta Qazaqstannyń aýmaǵyn bezgekten azat aýmaq retinde saqtaýdaǵy tabysy atap kórsetilip, bezgektiń qaıta enýin boldyrmaýdaǵy respýblıka Úkimetiniń is-áreketine joǵary baǵa berilgen. Sonymen qatar, 2015 jylǵa qaraı Dúnıejúzilik densaýlyq saqtaý uıymynyń Eýropalyq óńirde bezgekti joıýǵa baǵyttalǵan óńirlik bastamasy erekshe atap ótiledi.

«Qazaqstanda uzaq ýaqyttan beri bezgektiń taralmaýyn jáne osy dárejeni saqtaý úshin atqarylyp jatqan ulttyq is-sharalardy nazarǵa ala otyryp, Qazaqstan Respýblıkasyn bezgekten azat el retinde DDSU resmı tanyǵan elderdiń tizimine qýana otyryp engizemin. Qazaqstannyń bul tizimge enýi 2012 jylǵy bezgek týraly Búkilálemdik baıandamada jarııalanatyn bolady», delingen Margaret Chenniń hatynda.