Dúnıejúzilik densaýlyq saqtaý uıymy: bala ólimi áli de joǵary deńgeıde
ASTANA. 15 mamyr. QazAqparat - Dúnıejúzilik densaýlyq saqtaý uıymynyń aqparatyna qaraǵanda, sońǵy málimetter boıynsha dárigerler men gýmanıtarlyq uıymdar álemdegi bala ólimin tómendetýde birqatar jetistikterge jetken. Alaıda 2015 jylǵa deıin onyń deńgeıin úshten ekige azaıtý jónindegi uzaq merzimdi maqsatty oryndaýǵa múmkindik joq dep habarlaıdy BıBıSı.
Taratylǵan málimetter 1990 jyldan 2011jylǵa deıingi aralyqta bes jasqa jetpeı qaıtys bolǵan balalar sany 12-den 7 mıllıonǵa deıin azaıǵan.
DDSU burynǵysynsha densaýlyq saqtaý men medıtsınanyń qoljetimdiligi máselesinde áli de saqtalyp otyrǵan teńsizdikterge nazar aýdarady, sonymen qatar bul salada sońǵy jyldary edáýir ózgeris bolǵandyǵyn atap ótti. Máselen, qazir Qytaıda týǵan bala ómiriniń uzaqtyǵy kóptegen Shyǵys Eýropa elderine qaraǵanda joǵary bolyp otyr.
