Dúnıejúzilik densaýlyq kúni: Fleshmob ótti
ALMATY. QazAqparat - Dúnıejúzilik densaýlyq saqtaý kúni qarsańynda Eńbekshiqazaq aýdany aýrýhanasynyń qyzmetkerleri «Barshamyzǵa densaýlyq» urany aıasynda fleshmob ótkizip, aýdan turǵyndaryna salaýatty ómir saltyn nasıhattaýǵa shaqyrdy, dep habarlaıdy QazAqparat tilshisi.
Dárigerler men medbıkeler ár adamnyń óz densaýlyǵyna jaýapkershilikpen qarap, der kezinde medıtsınalyq kómekke júginý kerektigin eskertý, densaýlyqqa degen jaýapkershilikti arttyrý maqsatynda kópshilik aldyna shyqty.
Sonymen qatar, aýdandaǵy Bastapqy medıko-sanıtarlyq kómek ortalyǵy men dárigerlik ambýlatorııalardyń dárigerleri aýrýdyń aldyn alý men qaterli aýrýlardy der kezinde anyqtaý maqsatynda arnaıy semınar uıymdastyryp, kúndelikti kezdesetin kókeıkesti máselelerdi talqylady.
«Densaýlyq - adam ómiri úshin eń basty qundylyq ekeni bárimizge málim. Qoǵamnyń nazaryn eń basty máselege aýdarý úshin jáne ár adam óz densaýlyǵyna jaýapkershiligin arttyrý maqsatynda 1950 jyldan bastap 7 sáýir kúni dúnıejúzilik Densaýlyq kúni bolyp jarııalanǵan bolatyn. Ár jyl saıyn Dúnıejúzilik densaýlyq saqtaý uıymy 7 sáýir kúnin erekshe atap ótý úshin, kókeıkesti máselege baılanysty lozýngtar belgilep, adamdardyń densaýlyǵyna jaýapkershiligin arttyrý maqsatynda úndeý jasap jatady», - dedi uıymdastyrýshylar.
2019 jyly Dúnıejúzilik densaýlyq saqtaý uıymy Densaýlyq kúnin «Universal health coverage» - «Barshamyzǵa densaýlyq» - lozýngymen atap ótpek eken.
