Dúnıejúzilik demikpe dertine qarsy kúres kúnine oraı elordalyq mamandar keńes beredi
ASTANA. QazAqparat - 5 mamyr kúni Astana qalasynyń №1 aýrýhanasy respıratorlyq medıtsına mamandary qaýymdastyǵymen jáne Astana medıtsına ýnıversıtetimen, Salaýatty ómir saltyn qalyptastyrý ortalyǵymen birlese otyryp, Dúnıejúzilik demikpege qarsy kúres kúnin atap ótpek, dep habarlaıdy astana.kz.
Aıta keteıki, atalmysh kún Dúnıejúzilik densaýlyq saqtaý uıymymen bekitilip, alǵash ret 1998 jylǵy 5 mamyrda álemniń 35 elinde atalyp ótti. Astana qalalyq Densaýlyq saqtaý basqarmasynyń habarlaýynsha, bul kúni bronhıaldy demikpemen (astma) aýyratyn jandar úshin tanymdyq baǵdarlamalar uıymdastyrylyp, mamandar tarapynan arnaıy keńester beriledi.
Sharaǵa qatysýǵa nıet bildirýshiler úshin №1 qalalyq aýrýhanaǵa tegin avtobýstar uıymdastyrylady. Avtobýstardyń júrý ýaqyty men jóneltiletin orny: - №5 qalalyq emhanadan (Aqan seri kóshesi, 20), saǵ. 13.00. - №4 qalalyq emhanadan (Shevchenko kóshesi, 103), saǵ. 13.00. - №9 qalalyq emhanadan (Abylaı han dańǵyly, 30), saǵ. 14.00.
