Dúnıejúzilik búırek kúnine oraı Qazaqstanda balalardy tegin tekserý uıymdastyrylyp otyr
ASTANA. Naýryzdyń 11-i. QazAqparat - Búgin, naýryzdyń 11-i kúni atap ótiletin Dúnıejúzilik búırek kúnine oraı, Ulttyq medıtsınalyq holdıng Qazaqstannyń Nefrologtar qaýymdastyǵymen birlesip búırek aýrýlaryn anyqtaý maqsatynda balalardy tegin tekserýdi uıymdastyryp otyr.
Bul týraly QazAqparat tilshisine Ulttyq medıtsınalyq holdıngtiń baspasóz qyzmetinen habarlady.
Dúnıejúzilik búırek kúni Halyqaralyq nefrologııalyq qoǵam (International Society of Nephrology) men Búırek qorlary halyqaralyq federatsııasynyń (International Federation of Kidney Foundations) bastamasymen jyl saıyn, naýryzdyń ekinshi beısenbisinde atalyp ótedi.
Bul kúnniń maqsaty - halyqty búırek aýrýy týraly keńinen habardar etý, aýrýlardy erte dıagnostıkalaý bolyp tabylady. Bul kúni balalar búırekterine ÝZI-dıagnostıka, basqa da taldaýlar jasata alady.
