Dúnıejúzilik boks serııasyna jaqyn arada Kýba qosylady - AIBA prezıdenti
ASTANA. 12 mamyr. QazAqparat - Dúnıejúzilik boks serııasynyń tórtinshi maýsymynda (WSB) jobaǵa Kýba eliniń klýby qosylady.
Bul týraly Astanada ótken baspasóz máslıhatynda Halyqaralyq boks qaýymdastyǵynyń (AIBA) prezıdenti Chıng-Kýo Vý málim etti.
«Jaqyn arada WSB-ge jańa komandalar qosylatyndyǵyn habarlaǵym keledi, onyń ishinde Kýba komandasy da bar. Meniń oıymsha, bul AIBA-ǵa qosymsha qýat bere túsedi», - dep atap ótti «Astana arlandary» men «Ýkraınalyq atamandardyń» WSB úshinshi maýsymynyń fınaldyq kezdesýine qatysqan Chıng-Kýo Vý.
Bul rette, AIBA basshysynyń aıtýynsha, WSB-ge qatysýshylardyń sany ózgerissiz qalady - 12 komanda.
Jartylaı kásipqoı boks lıgasy AІVA-ǵa qarasty áýesqoı-boksshylarǵa arnalǵan Halyqaralyq boks qaýymdastyǵy bolyp tabylady. WSB-te 5 salmaqtyq dáreje bar: asa jeńil - 54 kelige deıingi, jeńil - 61 kelige deıingi, ortasha - 73 kelige deıingi, jartylaı aýyr - 85 elige deıingi jáne aýyr - 91 keliden joǵary. Judyryqtasý úsh mınýttyq bes raýndtan turady.
