Dúnıejúzilik boks serııasy: Samat Báshenov jeńiske jetip, komandasyn alǵa shyǵardy
ASTANA. QazAqparat - Astanada ótip jatqan Dúnıejúzilik boks serııasy (WSB) boıynsha «Astana arlandary» men «Kýba Domadores» arasyndaǵy fınaldyq kezdesýde Samat Báshenov ıAsnıer Toledo Lopesti tize búktirdi. Osylaısha, sharshy alańdaǵy úsh kezdesýde 2:1 esebimen «Arlandar» alǵa shyqty.
«Astana Arlandary» komandasynyń kapıtany birinshi raýndta kýbalyq boksshyny 9-10 esebimen alǵa jiberip alǵan edi. Budan keıingi raýndtarda esep teńesip qana qoımaı, Samat Báshenov óziniń sharshy alańda basymdyǵyn dáleldedi. Soqqy almasý barysynda qabaǵyn jaryp, jaraqat alǵanyna qaramastan «Arlandar» kapıtany baryn salyp óner kórsetti. Osylaısha, qorytyndy esep boıynsha qaptaldaǵy úsh tóreshi de qazaqstandyq Samat Báshenovtyń jeńisin moıyndady: jalpy upaı : 48-47.
Eske sala keteıik, buǵan deıingi kezdesýlerde Temirtas Júsipov jeńiske jetse, Qaırat Eralıev qarsylasyna ese jiberip alǵan bolatyn.
