Dúnıejúzilik boks serııasy: «Arlandar» men «Qabylandar» aqtyq aıqasqa shyqty
ASTANA. QazAqparat - Astanadaǵy «Dáýlet» sport kesheninde Dúnıejúzilik boks serııasy (WSB) boıynsha «Astana Arlandary» men «Kýba Domadores» chempıondyq ataq úshin aqtyq aıqasqa shyqty. On salmaq dárejesi boıynsha ótetin aıtýly boks básekesi «Habar» arnasynan tikeleı efırde kórsetilip jatyr. Búgin týrnırdiń birinshi kúni.
Dúnıejúzilik boks serııasynyń chempıony ataǵyna ábden laıyq eki komanda bıylǵy maýsymda toptyq týrnırde jeńimpaz atanǵan bolatyn. Aıta keteıik, WSB jobasynda bıyl 16 komanda synǵa túsken bolatyn. Óz tobynda «Arlandar» 13 kezdesýde jeńiske jetip, tek Italııa boksshylarynan 2:3 esebimen utylǵan bolatyn. «Kýba qabylandary» da álemniń eń úzdik ekendikterin bul joly da dáleldep, óz tobynda esh jeńilmesten aqtyq synǵa shyqty.
Aıta keterligi, Kýba «Qabylandary» Astanada «Arlandarmen» kezdesý úshin kil sańlaqtaryn jasaqtaǵan. Olardyń basym bóligi álemdegi birinshi nómirli boks juldyzdary bolyp tabylady.
Bylǵary qolǵap sheberleri dúbirli dodanyń birinshi kúni, ıaǵnı búgin 49, 56, 64, 75 jáne 91 keli salmaqta judyryqtassa, erteń 52, 60, 69, 81, +91 salmaq dárejelerinde jeńimpazdar anyqtalady. Eger kezdesý teń aıaqtalar bolsa, onda 56 keli salmaq dárejesinde ótetin qosymsha jekpe-jekpen uıymdastyrylady. Sharshy alańǵa shyǵatyndarǵa toqtalsaq: 49 keli: Temirtas Júsipov (qosalqy quramda - Mardan Berikbaev) - Ioanıs Oskar Argılagos Peres; 56 keli: Qaırat Eralıev (Meıirbolat Toıytov) - Endı Krýz Gomez (Robeısı Eloı Ramıres); 64 keli: Samat Báshenov (Ashat Ýálıhanov) - ıAsnıer Toledo Lopes; 75 keli: Meıirim Nursultanov (Erik Áljanov) - Arlen Lopes Kardona; 91 keli: Vasılıı Levıt (Muhamedjan Erkin) - Erıslandı Savon Kotılla.
Erteń, ekinshi kúni, 52 keli: Oljas Sáttibaev (Mıras Jaqypov) - Iosvanı Veıtıa Soto; 60 keli: Zákir Safıýllın (Erjan Musafırov) - Lasaro Horhe Alvares Estrada; 69 keli: Aslanbek Shymbergenov (Madııar Áshkeev) - Ronel Iglesıas Sotolongo; 81 keli: Nurdáýlet Jarmanov (Álı Ahmedov) - Hýlıo Sesar la Krýs Perasa; + 91 keli: Ivan Dychko (Fılıpp Hrgovıch) - Iohandı Toırak Ortega.
