Dúnıejúzilik boks keńesi Floıd Meıýezer - Mennı Pakıao jekpe-jegin ótkizýdi quptap otyr
ASTANA. QazAqparat - Dúnıejúzilik boks keńesi (WBC) búgingi tańda barlyq salmaq dárejesindegi úzdik boksshylar atanyp otyrǵan amerıkalyq Floıd Meıýezer men fılıppındik Mennı Pakıao arasyndaǵy jekpe-jekti ótkizýdi qoldaıtynyn bildirdi.
Bul týraly soltústikamerıkandyq basylymdar jarııalady. Meıýezer 47 kezdesýde jeńiske jetken (26 nokaýtpen), utylyp kórmegen. 14 qyrkúıekte ótken 47-shi jekpe-jekte ol argentınalyq Markos Maıdanýdy jeńgen bolatyn. Sonda ol kelesi qarsylasy 35 jastaǵy Pakıao bolýy múmkin ekenin aıtqan edi.
"WBC Meıýezer men Pakıao arasyndaǵy jekpe-jekti qoldaıdy, - delingen Dúnıejúzilik boks keńesiniń málimdemesinde. - Olardyń kezdesýi boks tarıhyndaǵy iri oqıǵalardyń biri bolatyny sózsiz ".
Eger fılıppındik 22 qarashada amerıkalyq Krıs Algerıden basym tússe, onda Floıd Meıýezermen kezdesedi.
