Dúnıejúzilik boks qaýymdastyǵy Gennadıı Golovkın men Dmıtrıı Pırogtyń jekpe-jegin maquldady
ASTANA. 20 maýsym. Qazaq boksshysy Gennadıı Golovkın men reseılik Dmıtrıı Pırogtyń jekpe-jegin Dúnıejúzilik boks qaýymdastyǵy (WBA) maquldady,
dep habarlaıdy Vesti.kz Worldboxingnews.net-ke silteme jasap.
Orta salmaqta WBA nusqasy boıynsha álem chempıony Golovkın men osy salmaqta WBO nusqasy boıynsha álem chempıony Pırog arasyndaǵy jekpe-jek AQSh-ta 25 tamyzda ótedi dep josparlanýda. Aıqas WBA chempıony ataǵy úshin bolady.
Esterińizge sala keteıik, Gennadıı Golovkın WBA nusqasy boıynsha álem chempıony ataǵyn kezekti ret osydan bir aı buryn qorǵaǵan bolatyn. Ol joly qazaqstandyq boksshy 28 jastaǵy japondyqMakoto Fýchıgamıdi tehnıkalyq nokaýtpen tize búktirgen.
Gennadıı Golovkın kásipqoı bokstaǵy alǵashqy jekpe-jegin 2006 jyldyń 6 mamyrynda ótkizgen edi. Sodan beri rıngke 23 ret shyǵyp, barlyǵynda jeńiske jetti. Onyń ishinde 20 qarsylasyn nokaýatpen tize búktirdi.
Dmıtrıı Pırog kásipqoı boksqa 2005 jyly bet buryp, búginge deıin 20 jekpe-jek ótkizgen. Ol da áli jeńilip kórgen joq. Jıyrma kezdesýdiń 15-inde qarsylasyn nokaýtqa túsirgen, dep habarlaıdy . BAQ.KZ portaly.
