Dúnıejúzilik banktiń esebinshe Qazaqstan salyq tóleý jıiligi boıynsha 183 eldiń arasynda 17-nshi orynda tur - B. Jámishev
ASTANA. 6 maýsym. QazAqparat - Dúnıejúzilik banktiń esebinshe, Qazaqstan salyq tóleý jıiligi boıynsha álemniń 183 eliniń arasynda 17-nshi orynda tur.
Bul týraly búgin Parlament Májilisinde 2011 jylǵy respýblıkalyq bıýdjettiń atqarylýy týraly Úkimettiń esebi boıynsha baıandama jasaǵan Qarjy mınıstri Bolat Jámishev málim etti.
«Tıimsiz salyqtyq ákimshilendirý týraly máselege kelsek, onda elimizge qatysty halyqaralyq uıymdardyń bergen baǵalary kerisinshe, jaǵymdyny dáleldep otyr dep oılaımyn. Óıtkeni, bizde basqa elderge qaraǵanda salyqtyq júkteme tómen jáne bul ınvestorlar tartý men bıznesti damytý úshin qolaıly bolyp tabylady», - dedi B. Jámishev.
Mınıstrdiń aıtýynsha, Dúnıejúzilik bankpen júrgizilgen salyqtyq tólemder týraly zertteýlerdiń qorytyndysyna sáıkes, Qazaqstan salyq tóleý jıiligi boıynsha álemniń 183 eliniń arasynda 17-nshi orynda tur. Al, salyq tólemder sany boıynsha - 11-orynda. Sondaı-aq, "Doing Business 2012" reıtıngisi boıynsha Qazaqstan salyq salý ındıkatorlary turǵysynan 2011 jyly 13 oryndy ıelendi.
«Bul TMD men Shyǵys Eýropa elderi arasyndaǵy eń úzdik kórsetkish bolyp tabylady», - dedi B. Jámishev.
