Dúnıejúzilik Banktiń Doing Business reıtınginde Qazaqstan 50-orynǵa turaqtady
ASTANA. QazAqparat - Dúnıejúzilik Banktiń Doing Business reıtınginde Qazaqstan 50-orynǵa turaqtady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Ekonomıka jáne bıýdjettik josparlaý mınıstri Erbolat Dosaev málim etti.
«2013 jyldyń qazan aıynda jarııalanǵan Dúnıejúzilik Banktiń Doing Business reıtıngisi boıynsha Qazaqstan 3 tarmaqqa pozıtsııasyn jaqsartyp, 189 eldiń ishinen 50-oryndy ıelendi», - dedi ol.
Onyń atap ótýinshe, Qazaqstannyń reıtıngtegi pozıtsııasynyń jaqsarýy Halyqqa qyzmet kórsetý ortalyqtarynda kompanııalardy tirkeý ýaqytynyń azaıýynyń esebinen, sondaı-aq, menshikti tirkeý rásimderin tezdetip engizýdiń arqasynda oryn alyp otyr.
«Sondaı-aq, Qazaqstan jekemenshikti tirkeý jáne salyq salý deńgeıi boıynsha 20 kóshbasshylar qataryna endi», - dedi E.Dosaev.
