Dúnıejúzilik bank Zıka bezgegimen kúresýge $150 mln bóldi
ASTANA. QazAqparat - Dúnıejúzilik bank Zıka bezgegimen kúreske 150 mıllıon dollar bóldi, delingen banktiń beısenbi kúngi taratqan baspasóz habarlamasynda. Bul týraly reseılik «RIA Novostı» agenttigi habarlaıdy.
«Latyn Amerıkasy men Karıb basseınindegi Zıka bezgeginen zardap shekken elderge qoldaý kórsetý úshin Dúnıejúzilik bank toby jedel qarjylandyrýǵa 150 mıllıon dollar bólgendigin jarııa etti», - delingen habarlamada.
«Qarjyny taratý elderdi qazirgi qarjylandý qajettiligi men óńirdegi memleketter úkimetterimen kelissóz nátıjesinde júrgiziledi. Qajettilik týyndaǵan jaǵdaıda Dúnıejúzilik bank toby qosymsha qarjy bólýge daıyn», - dep kórsetilgen aqparatta.
Zıka bezgegi - maımyldarda taraǵan juqpaly aýrý, adamdarǵa masalar juqtyrady. Vırýs júkti áıelderge qaýip tóndiredi, óıtkeni ol jatyrdaǵy náresteniń mıyna zaqym keltiredi.
