Dúnıejúzilik bank Reseıdi astyq eksportyn toqtatpaýǵa shaqyrdy
ASTANA. Tamyzdyń 11-i. QazAqparat - Dúnıejúzilik bank astyq eksporttaýshy elderdi bıdaı jetkizilimine embargo engizbeýge shaqyrdy. Bul shara azyq-túlik baǵasynyń jańa jahandyq daǵdarysyna ákelýi múmkin deıdi sarapshylar.
Birinshi kezekte, Reseı týraly sóz bolyp otyr, onda buryn-sońdy bolmaǵan ystyq pen qurǵaqshylyqtyń saldarynan ótken aptada el úkimeti tamyzdyń 15-inen bastap jyldyń sońyna deıin bıdaı, arpa, qara bıdaı, júgeri jáne un eksportyna tyıym saldy. Bul shara óz kezeginde álemdik bırjalardaǵy baǵanyń kúrt ósýine ákelip otyr, sebebi Reseı - álem boıynsha bıdaı eksporttaýshy úshinshi el. Embargo týraly málimdemeden keıin bıdaıdyń baǵasy 12 paıyzdan astamǵa kóterilgen. Al jalpy alǵanda shilde aıynyń basynan beri astyq baǵasy 68 paıyzǵa qymbattaǵan.
Kedendik baqylaýdyń jańa júıesiniń engizilýine baılanysty astyq jetkizilimin keshiktirip jatqan Ýkraına da bul jaǵdaıǵa «óz úlesin» qosyp otyr. Astyqtyń iri ımporttaýshysy sanalatyn Mysyr, baǵanyń kúrt ósýine baılanysty, Ýkraınadan jáne Qazaqstannan astyq satyp alýyn ýaqytsha toqtatyp otyr. Qytaı, Úndistan jáne Pákistandaǵy sel tasqyny da jaǵdaıdy ýshyqtyrýda. Batys basylymdary azyq-túlik daǵdarysy jaqyndap qalǵanyn aıtyp, jurtty dúrliktirýde.
