Dúnıejúzilik bank pandemııamen kúresý úshin jańa qor qurdy

BRıÝSSELЬ. QazAqparat – Dúnıejúzilik bank Dúnıejúzilik densaýlyq saqtaý uıymynyń tehnıkalyq basshylyǵymen pandemııanyń aldyn alý, oǵan ázirlikti qamtamasyz etý jáne den qoıý úshin jańa qarjylyq deldaldyq qor qurdy, dep habarlaıdy QazAqparat menshikti tilshisi.

Dúnıejúzilik banktiń pandemııanyń aldyn alý,oǵan daıyndyqty qamtamasyz etý jáne den qoıý úshin jańa qarjylyq deldaldyq qoryn (FIF) Qordyń basqarýshy keńesi 2022 jylǵy 8-9 qyrkúıekte ótken alǵashqy otyrysynda resmı túrde qurdy.

Dúnıejúzilik bankte naqtylanǵandaı, Qor maqsaty – tabysy tómen jáne ortasha elderdegi pandemııamen kúresý áleýetin nyǵaıtý úshin qosymsha uzaq merzimdi qarjylandyrý.

Sonymen qatar, qarjy qory ulttyq, óńirlik jáne jahandyq deńgeılerde ınvestıtsııalar men tehnıkalyq qoldaý arqyly asa kúrdeli olqylyqtardy joıýǵa baǵyttalǵan.

Dúnıejúzilik bank qory pandemııamen kúresýmen aınalysatyn negizgi mekemelerdiń myqty jaqtary men salystyrmaly artyqshylyqtaryn paıdalanady, qosymsha qoldaý kórsetedi, seriktester arasyndaǵy úılestirýdi jaqsartady, elderge ınvestıtsııalardyń kóbeıýin yntalandyrady, aqparattyq-nasıhattyq qyzmet úshin alań retinde qyzmet etedi jáne densaýlyq saqtaý júıesiniń joǵary deńgeıd ebolýyna basa nazar aýdaryp, qoldaý kórsetedi.

Dúnıejúzilik bankti qarjylandyrý sheńberindegi usynystar boıynsha alǵashqy konkýrstar 2022 jylǵy qarashada ashylady.

Qordy qurýdy Dúnıejúzilik banktiń Dırektorlar keńesi 2022 jylǵy 30 maýsymda maquldady.