Dúnıejúzilik bank Pákistanǵa 400 mıllıondaı dollar bóldi
ASTANA. Qazannyń 1-i. QazAqparat - Dúnıejúzilik bank Pákistanǵa sý tasqynynyń saldaryn joıý úshin 400 mıllıon dollardan astam qarjylaı kómek bóldi, dep habarlaıdy «Azattyq» radıosy.
Bul qarjynyń tórtten úshi azyq-túlikter men dári-dármekter, shatyrlar, otyn jáne zardap shegýshilerge arnalǵan tehnıkalar jetkizýge jumsalady.
Taǵy 130 mıllıon dollar tasqyn sýdyń saldarynan zardap shekken joldardy qalpyna keltirýge bólinbek. Bul soma Dúnıejúzilik banktiń Pákistanǵa bólgeli otyrǵan bir mıllıardtaı nesıesiniń bir bóligi ǵana.
Naqtylanyp jatqan málimetter boıynsha, elde bolǵan sý tasqynynyń saldarynan 2 mıllıondaı úı zaqymdanǵan nemese tolyq qıraǵan, 8 mıllıonnan astam adam bosyp ketken.
