Dúnıejúzilik bank ókili teńge baǵamyna qatysty pikir bildirdi
ASTANA. QazAqparat - Dúnıejúzilik banktiń Qazaqstandaǵy turaqty ókili Ato Braýn Qazaqstannyń qarjy naryǵynyń shetel bankteri úshin qanshalyqty tartymdy ekenin aıtyp berdi, dep habarlaıdy QazAqparat.
«Sońǵy úsh jylda eleýli reforma bolǵanyn kórip otyrmyz, keıbir bankter birigip jatsa, birshamasy naryqtan ketýge májbúr boldy. ıAǵnı, reformalar bastalǵanymen, qandaı da bir nátıjeler kórinip, júzege asýy úshin belgili bir ýaqyt kerek. Meniń oıymsha, aldaǵy kezde ońtaıly ózgeristerdiń nátıjesi kórinedi», - dedi ol Astanada quqyqtyq mádenıetti kóterý taqyrybyndaǵy jıyn barysynda tilshilerge jaýap bere otyryp.
Sarapshynyń atap ótýinshe, tolyqtaı qalpyna kelý protsesi týraly aıtý úshin, nesıeler naryqqa qaıta oralǵan kezeńdi kútý kerek.
«Shyn máninde Qazaqstan naryǵy aıtarlyqtaı úlken emes, alaıda ol Ortalyq Azııaǵa, jalpy Eýrazııa naryqtaryna shyǵýǵa qolaıly bolyp otyr. Osy keń múmkindikter shetel bankteriniń qyzyǵýshylyǵyn týǵyzady, sáıkesinshe, aýqymdy óńir úshin Qazaqstan qarjylyq hab jáne qarjy ortalyǵy bola alady», - dedi Ato Braýn.
Munymen qosa, ol teńgeniń erkin baǵamyna qatysty pikir bildirdi.
«Bul sheshim qajet bolǵannan keıin qabyldandy. Sondyqtan osy baǵyttaǵy durys sharalar Qazaqstanǵa óziniń básekege qabiletin saqtap qalýǵa, halyqaralyq naryqta jaǵdaıdy túzeýge jol ashty. Jalpy, qazirgi kezde erkin baǵamnyń aýytqýyn shekteý kerek. Buǵan ımportty azaıtý arqasynda qol jetkizýge bolady. Qazaqstanda jeke óndirisin, eksportyn arttyrýǵa barlyq múmkindikter bar. Bul óz kezeginde ımportqa táýeldilikti tómendetýge yqpal etedi», - dep túıdi Dúnıejúzilik bank ókili.
Budan buryn habarlanǵandaı, Dúnıejúzilik banktiń turaqty ókili Ato Braýn Qazaqstanda JІÓ ósimi boıynsha boljamdaǵy kórsetkishterdiń joǵarylaýyna baılanysty pikir bildirdi.
