Dúnıejúzilik bank ókilderi QR Saýda-ónerkásip palatasynyń basshylarymen kezdesti
ALMATY. 9 qarasha. QazAqparat /Erlik Erjanuly/ - Búgin Almatyda Dúnıejúzilik banktiń ókilderi men QR Saýda-ónerkásip palatasy basshylary Keden odaǵynyń máseleleri men keleshegi týraly kezdesý ótkizdi.
QR Saýda-ónerkásip palatasynyń strategııalyq damý jónindegi vıtse-prezıdenti Ǵalym Amanjolov Dúnıejúzilik banktiń keńesshisi Devıd Tara men Ortalyq Azııa boıynsha Aımaqtyq ekonomıkalyq baǵdarlamasynyń keńesshisi Ekaterına Vashakmadzeni Qazaqstandaǵy Keden odaǵyna kirgennen keıingi ahýalmen tanystyrdy. Sondaı-aq QR Úkimeti janyndaǵy Biryńǵaı úılestirý keńesiniń jumys toptarynyń qyzmetimen tanystyrdy. Dúnıejúzilik bank ókilderiniń bastamasymen ótken bul shara olardyń Ekonomıkalyq damý jáne saýda mınıstrligindegi resmı kezdesýleri qarsańynda uıymdastyryldy. Reseı Saýda-ónerkásip palatasynyń Ortalyq Azııadaǵy aımaqtyq ýákili Vıktor Jıgýlınniń sózine qaraǵanda, Keden odaǵyndaǵy negizgi másele - biryńǵaı tehnıkalyq retteýlerdiń joqtyǵy.
