Dúnıejúzilik bank mańǵystaýlyq jastarǵa áleýmettik joba úshin 1 mln teńgeden bólmek
ASTANA. QazAqparat - Dúnıejúzilik bank mańǵystaýlyq jastarǵa áleýmettik jobalaryn júzege asyrý úshin 1 mln teńgege deıin qarajat bóletin bolady. Mańǵystaý oblystyq óńirlik kommýnıkatsııalar qyzmetiniń málimetinshe, bul jaıynda Jastar saıasaty basqarmasynyń basshysy Baýyrjan Tuıaqov aıtqan, dep habarlaıdy QazAqpara tilshisi.
«Dúnıejúzilik bank áleýmettik jobany iske asyrýdy kózdegen jastarǵa 1 mln teńgege deıin qarjy bólmek. Olar óndirgen ónim satylymǵa emes, balalar úıine, az qamtylǵan otbasylarǵa beriledi», - delingen taratylǵan aqparatta.
Sonymen qatar óńirde jastardyń sapaly bilim alýy úshin oblys ákiminiń arnaıy granty bólinedi. «Serpin» baǵdarlamasy boıynsha 600-700-ge jýyq jasty oqýǵa tartý josparlanyp otyr. Munan bólek barlyq mektepte kásiptik baǵdarlaý kabınetteri ashylatyn bolady. «Jasyl el» baǵdarlamasymen jaz aılarynda jumyspen qamtylatyn jastar sany 1500-ge jetkiziledi.
