Dúnıejúzilik bank koronavırýspen kúreske $12 mlrd bóldi
NUR-SULTAN. QazAqparat - Dúnıejúzilik bank koronavırýsqa qarsy kúreske kómek retinde $12 mlrd bóldi, dep habarlaıdy QazAqparat.
«COVID-19 aýrýy 60-tan astam eldi qamtyǵandyqtan, Dúnıejúzilik bank aýrýdyń jahandyq órshýiniń medıtsınalyq jáne ekonomıkalyq saldaryn eńserý isine shuǵyl kómek retinde 12 mıllıard dollarǵa deıingi mólsherde alǵashqy paketpen qamtamasyz etedi», - delingen DB resmı saıtynyń habarlamasynda.
Dúnıejúzilik bank álemdik densaýlyq saqtaý men alǵashqy medıtsınalyq-sanıtarlyq kómekti qoldaý, koronavırýsqa qarsy ozyq kúresýde jumys isteıtin dárigerlerdi oqytý, eriktiler qozǵalysyn kótermeleý jáne kedeı adamdardy emdeý boıynsha birqatar is-sharalardy uıymdastyryp jatyr.
DB-nyń basty kómegi úshinshi álem elderine jáne aýrý oshaǵynyń epıtsentrinde turǵan adamdarǵa kórsetiledi. Koronavırýs 2019 jyldyń jeltoqsanynan bastap álemge tarala bastady. Dárigerler aýrý juqtyrýdyń alǵashqy jaǵdaılaryn Qytaıdyń Ýhan qalasynda anyqtaǵan. Infektsııadan úsh myńnan astam adam qaıtys boldy.
