Dúnıejúzilik bank Qazaqstannyń bızneske qolaıly qalasyn anyqtaıdy

ASTANA. QazAqparat - Qazaqstannyń 14 óńiri men 2 qalasy Dúnıejúzilik banktiń Doing business 2019 qosalqy ulttyq reıtıngine qatysady, dep habarlaıdy QazAqparat tilshisi.

Іskerlik ahýaldy keshendi zertteýge Qazaqstannyń barlyq óńirleri alǵash ret enip otyr.

Buǵan deıin Ulttyq ekonomıka mınıstrligi Dúnıejúzilik bankpen birlesip, Qazaqstannyń 2 qalasy men 6 óńirine zertteý júrgizgen edi. Zertteý nátıjesine sáıkes, Almaty, Aqtóbe jáne Qostanaı bızneske qolaıly qalalar bolyp tanyldy.

Josparlanǵan zertteý jumystary 4 ındıkator boıynsha júrgiziledi: kásiporyndardy tirkeý, qurylysqa ruqsattama alý, elektr jelilerine qosylý jáne menshikti tirkeý.

«Zertteýdiń ekinshi kezeńinde ádettegi ındıkatorlardy qarastyramyz, tek geografııalyq aýmaqty keńeıtemiz. 8 óńir qol jetkizgen tabystardy zertteı otyryp, jańa qalalardy zerttemekpiz. Ondaǵy shekteýlerge qatysty usynymdar beremiz", - dedi Dúnıejúzilik banktiń jeke sektor boıynsha mamany Musa Trao Astanada ótken tanystyrylymda.