Dúnıejúzilik bank Qazaqstandaǵy energııa únemdeý boıynsha birqatar jobany qarjylandyrady - A.Raý
ASTANA. QazAqparat - Dúnıejúzilik bank Qazaqstanda energııa únemdeý boıynsha jobalardy júzege asyrýǵa qarjylaı qoldaý kórsetedi, dep habarlady búgin «Qazaqstanda energııa tıimdiligin qarjylandyrý jáne júzege asyrý tetikteri» konferentsııasynda QR Indýstrııa jáne jańa tehnologııalar birinshi vıtse-mınıstri Albert Raý, dep jazady primeminister.kz saıty.
«Energııa únemdeý baǵdarlamasyn júzege asyrý biz úshin óte ózekti. Granttyq kelisimge daıyndalyp, oǵan sáıkes Qazaqstan qarjylandyrýǵa ıe bolady, sosyn biz mektepter men aýrýhanalardyń belgili sanymen pılottyq jobalardy júzege asyra alamyz, sonda adamdar somasy jaǵynan qomaqty bolmasa da, únemdeý boıynsha is-sharalardyń oryndalýy jaǵynan óte tıimdi ekenin kóre alady», - dedi A.Raý. Onyń aıtýynsha, Qazaqstanda JІÓ-niń naqty energııa syıymdylyǵy 13,5%-ǵa tómendedi. «Indýstrıalandyrýdyń alǵashqy besjyldyǵynda memleket basshysy JІÓ-niń energııa syıymdylyǵyn 10%-ǵa azaıtýdy tapsyrdy. Naqty Qazaqstanda energııa syıymdylyǵy 13,5%-ǵa tómendedi, energııany únemdeý jáne tıimdilikti arttyrý týraly zań qabyldandy», - dep basyp aıtty ol.
Budan ózge, ol 2014 jyldan bastap Qazaqstannyń iri energııa tutynýshylarynyń memlekettik energetıkalyq tizilimi jumys jasaıtynyn, ol jylyna 1,5 myńnan astam tonna shartty otyn shyǵyndaıtynyn atap ótti.
«Energııa únemdeýdi damytýǵa barlyq qajetti jaǵdaı jasalǵan. Qazirgi ýaqytta osy normalardy, tetikterdi júzege asyrýdyń praktıkalyq kezeńi júrgizilýde. Aǵymdaǵy jyl óte mańyzdy, óıtkeni biz kompanııa energoaýdıtine keldik, tizilimge engen barlyq kompanııalar energoaýdıtten ótýi tıis», - dep qorytyndylady ol.
