Dúnıejúzilik bank Qazaqstan JІÓ ósiminiń boljamyn qaıta qarady

ASTANA. QazAqparat - Dúnıejúzilik bank (DB) 2018 jylǵa arnalǵan Qazaqstannyń jalpy ishki óniminiń ósimi boljamyn 3,7-den 3,8 paıyzǵa deıin kóterdi. Bul týraly DB-nyń Qazaqstan boıynsha sońǵy ekonomıkalyq baıandamasynda aıtylǵan, dep habarlaıdy QazAqparat.

Dúnıejúzilik banktiń Qazaqstan ekonomıkasy týraly kúzgi baıandamasynda 2018 jyldyń jalpy ishki óniminiń naqty ósimi boıynsha boljam kórsetkishi 3,7-den 3,8 paıyzǵa joǵarylady.

«Ary qaraı negizgi saýda seriktestermen qolaıly jaǵdaılardy saqtaǵan kezde, sondaı-aq bıznes ortany damytý men  ekonomıkada memleket rólin qysqartýǵa baǵyttalǵan reformalardy tabysty júrgizgen jaǵdaıda munaıly emes ekonomıkada ósim birtindep qarqyn alady», - delingen DB baıandamasynda.

Belgili bolǵandaı, Dúnıejúzilik bank boljamyna sáıkes, 2019 jyly Qazaqstan JІÓ-si ósimi 3,5 paıyzdy, 2020 jyl men 2021 jyly 3,2 paıyzdy quraıdy dep kútilýde.