Dúnıejúzilik bank Qazaqstan ekonomıkasyna boljam jasady

NUR-SULTAN. QazAqparat - Dúnıejúzilik bank 2019 jyly Qazaqstannyń jalpy ishki ónimi 3,5, al 2020-2021 jyldary 3,2 paıyz bolatyndyǵyna boljam jasady. Mundaı derek atalǵan banktiń Eýropa men Ortalyq Azııa ekonomıkasy týraly jańa baıandamasynda keltirilgen, dep habarlaıdy QazAqparat.

Dúnıejúizilk bank sarapshylarynyń boljamyna sáıkes, 2019 jyly Qazaqstandaǵy ınflıatsııa 6,1 paıyz, 2020 jyly 5,8, al 2021 jyly 5,7 paıyz deńgeıinde bolady.

Esterińizge sala ketsek, buǵan deıin Azııa damý banki Qazaqstannyń jalpy ishki ónimi 2019 jyly 3,5 paıyz bolatyndyǵyna boljaǵan edi.

ADB-nyń negizgi ekonomıkalyq basylymy «Azııa damýynyń sholýyna» sáıkes, Qazaqstannyń jalpy ishki ónimi 2018 jylǵy 4,1 paıyzdan 2019 jyly 3,5, al 2020 jyly 3,3 paıyzǵa deıin tómendeıdi. Inflıatsııanyń ortasha kórsetkishi osy boljam boıynsha 6 paıyz shamasyn saqtap qalmaq.