Dúnıejúzilik bank: ǵalamshardyń 64 mıllıon turǵynyna kedeıshilik tónip tur
ASTANA. Aqpannyń 1-i. QazAqparat - Jahandyq qarjy daǵdarysynyń saldary birtindep eńserilip kele jatqanyna qaramastan álemniń túkpir-túkpirindegi elderde ondaǵan mıllıon adamǵa kedeıshilik qaýpi tónip tur.
Bul týraly Dúnıejúzilik banktiń prezıdenti Robert Zellık Afrıka odaǵynyń sammıti ótip jatqan Addıs-Abebada málim etti. «Bizdiń baǵalaýymyzsha, 64 mıllıonǵa jýyq adam kedeıshiliktiń shegine jetedi», dedi ol.
Osyǵan baılanysty Zellık ózi basqaratyn bankiniń atalmysh problemadan syrt qalmaıtyndyǵyna ýáde berdi. Onyń aıtýynsha, bank aldaǵy birneshe jylda Afrıkaǵa 15 mıllıard dollar bóletin bolady.
