Dúnıejúzilik bank Gaıtıge 100 mıllıon dollar shuǵyl ekonomıkalyq kómek bóledi
ASTANA. Qańtardyń 14-i. QazAqparat - Dúnıejúzilik bank ázirge naqtylanbaǵan málimetter boıynsha 100 myńnan astam adamnyń ómirin qıǵan zilzalanyń saldarymen kúresý úshin Gaıtıge 100 mıllıon dollar shuǵyl ekonomıkalyq kómek bóledi.
Bul týraly bank málimdeme jasady, dep habarlaıdy «RIA «Novostı» agenttigi.
«Halyqaralyq qaýymdastyq búgingideı qıyn kezeńde Gaıtıge kómek kórsetýge ázir. Úlken apat oryn aldy. Dúnıejúzilik bank qomaqty qarjy jınastyrady jáne eldegi shyǵyndy anyqtaý jáne qalpyna keltirýge qajetti somany naqtylaý úshin elge mamandar komandasyn jiberedi», delingen bank habarlamasynda.
Dúnıejúzilik bank kómekti tez uıymdastyrýǵa jáne bul másele boıynsha jumystardy ońtaıly júrgizýge ýáde berip otyr.
7 baldyq jer silkinisi Gaıtıde seısenbi kúni bolǵanyn QazAqparat budan buryn habarlaǵan bolatyn. Kóptegen ǵımarattar, onyń ishinde prezıdent saraıy men BUU bitimgershilik mıssııasynyń shtab-páteriniń ǵımaraty zardap shegip otyr. Adam qurbandyqtary kóp ekeni aıtylýda.
