Dúnıejúzilik bank epıdemııaǵa qarsy birlese áreket etýge shaqyrdy
ASTANA. QazAqparat - Dúnıejúzilik bank basshysy Djım En Kım álemdik qaýymdastyqtyń Ebola syndy kez-kelgen jańa epıdemııalardyń paıda bolýyna ázir emestigin málimdedi. Bul týraly VVS habarlady.
Ol úkimet, medıtsınalyq agenttikter men korporatsııalar, sondaı-aq saqtandyrý kompanııalaryna túrli vırýstar paıda bola qalǵan jaǵdaıda, odan qorǵaný júıesin qura otyryp, birlesip jumys isteý asa mańyzdy ekenin aıtty.
Djım En Kım sondaı-aq, Dúnıejúzilik bank, Dúnıejúzilik densaýlyq saqtaý uıymy men basqa da agenttikter osy baǵytta birlesken jumystardy bastap ketkenin habarlady.
