Dúnıejúzilik bank Aýǵanstanǵa kedeıshilikpen kúres úshin $500 mln bóldi
ASTANA. QazAqparat - Dúnıejúzilik bank Aýǵanstan bıligine $520 mln kóleminde grant bóldi. Bul týraly uıymnyń baspasóz qyzmeti taratqan aqparattarda aıtylǵan, dep habarlaıdy TASS.
«Dúnıejúzilik bank búgin Aýǵanstanǵa kedeıshilikpen kúreske baǵyttalǵan sharalardy júzege asyrýǵa kómek retinde $500 mln kóleminde qarjy bólingendigin jarııa etti»,-delingen habarlamada.
Baspasóz qyzmetiniń málimetterinshe, bólingen qarjy el bıligine bosqyndarmen baılanysty máselelerdi sheship, kedeıshilik jaǵdaıynda ómir súrip jatqan turǵyndarǵa túrli múmkindikter qalyptastyrýǵa, olar turyp jatqan aımaqtardy elektrlendirýge, azyq-túlik qaýipsizdiginiń deńgeıin kóterýge jáne aýyldyq aımaqtarǵa jol salýǵa kómektesedi.
Dúnıejúzilik banktiń bul sheshimi ekonomıkanyń táýekelderi artyp otyrǵan tusta el bıiliginiń bastamalaryn qoldaýǵa baǵyttalǵan. Halyqaralyq uıym ókilderiniń habarlaýynsha, 2011 jyly halyqaralyq kúshterdiń elden shyǵaryla bastaýy Aýǵanstanda saıası jaǵdaıdyń bolashaǵyn bulyńǵyr etip, ekonomıkalyq ósimniń qarqynyn tejegen.
