Dúnıejúzilik bank álemdik ekonomıka ósiminiń boljamyn birden tómendetti
Dúnıejúzilik bank seısenbi, 10 qańtarda álemdik ekonomıkanyń ósý boljamdaryn 3 %-dan (2022 jylǵy maýsymdaǵy boljam boıynsha) 1,7%-ǵa deıin tómendetti. Bul 2009 jáne 2020 jyldardaǵy daǵdarysty qospaǵanda, sońǵy 30 jyldaǵy eń tómengi kórsetkish.
«Ýkraınadaǵy jaǵdaı men Ulttyq ortalyq bankterdiń paıyzdyq mólsherlemesiniń ósýine baılanysty kóptegen elder retsessııa shegine jetti. Osylaısha, ındýstrıaldy damyǵan elder ekonomıkasynyń ósý qarqyny aıtarlyqtaı tómendep jatyr. Atap aıtqanda, AQSh pen eýroaımaq memleketteri úshin ósý kórsetkishteri tek 0,5%-dy qurap otyr, deıdi Dúnıejúzilik bank sarapshylary.
Dúnıejúzilik banktiń esepteýi boıynsha Qytaı ekonomıkasy 2023 jyly 4,3%-ǵa ósedi. Bul 2022 jylǵy maýsymdaǵy boljamnan 0,9 %-ǵa az. Koronavırýspen kúresýge baǵyttalǵan qatań shekteýlerge, sondaı-aq jyljymaıtyn múlik naryǵyndaǵy jaǵdaıǵa jáne 2022 jyly suranystyń tómendeýine baılanysty Qytaıdyń JІÓ tek 2,7%-ǵa ósti, bul 1970 jyldardyń ortasynan bergi eń tómengi kórsetkishterdiń biri boldy.
Dúnıejúzilik banktiń boljamy boıynsha Reseı ekonomıkasy 2023 jyly 3,5%-ǵa tómendegennen keıin 2023 jyly 3,3%-ǵa qysqarady. 2022 jyldyń maýsymynda Reseı JІÓ 2023 jyly 2%-ǵa tómendeıdi dep boljanǵan edi.
