Dúnıejúzilik bank: 2030 jylǵa qaraı álemde kedeılerdiń sany 100 mln adamǵa artýy múmkin
ASTANA. QazAqparat - Jahandyq jylynýdyń aldyn alý boıynsha qajetti sharalardy qabyldamaǵan jaǵdaıda, 2030 jylǵa qaraı álemde kedeılerdiń sany 100 mln adamǵa artýy múmkin, delingen Dúnıejúzilik bank baıandamasynda.
Qujatta jylyný saldarynan Afrıkada azyq-túlik ónimderiniń baǵasy shamamen 20 paıyzǵa artatyny atap ótiledi.
Budan basqa, álemde mıgranttar sany artýda.
Dúnıejúzilik banktiń málimdemesi keshe atmosferaǵa býly gaz shyǵaryndylaryn qysqartý máselesi boıynsha 70 memleket ókilderimen kezdesý barysynda jasaldy.
Qarashanyń aıaǵynda bul másele Parıjde BUU klımattyq konferentsııasynda talqylanady, dep jazady sheteldik BAQ.
