Dúnıejúzilik bank: 2015 jyly munaı barreliniń orta baǵasy 60$ shamasynda bolmaq
ASTANA. QazAqparat - Dúnıejúzilik banktiń prezıdenti Djım En Kım 2015 jyly munaı barreliniń orta baǵasy 60$-dyń aınalasynda bolady dep baǵamdaıdy.
Bul týraly RIA «Novostı» habarlaıdy.
Munaı barreliniń orta baǵasy 2014 jyly 96 dollar shamasynda boldy, qazir ol 50 dollardan sál tómen. Al, 2015 jyly bul kórsetkish ótken jylǵyǵa qaraǵanda 30 paıyz tómen, ıaǵnı 60 dollardyń aınalasynda bolady», - dedi Davosta ótken Búkilálemdik ekonomıkalyq forýmda Dúnıejúzilik bank basshysy.
Osy jaǵdaıdan Nıgerııa, Venesýela, Kolýmbııa jáne Reseı ekonomıkasy zardap shekse, kerisinshe Indonezııa men Indııa arzan munaı ónimderine qol jetkizbek.
