Dúnıejúzilik balalar kúnin merekeleý aıasynda «Búkil álem men úshin» onkúndigi bastaldy
ASTANA. 14 qarasha. QazAqparat - Qazaqstan Respýblıkasy Bilim jáne ǵylym mınıstrligi Dúnıejúzilik balalar kúnin merekeleý aıasynda 2012 jyldyń 12-20 qarashasy aralyǵynda «Búkil álem men úshin» onkúndigin ótkizedi.
Atalǵan mınıstrliktiń málimetinshe, onkúndiktiń maqsaty - Dúnıejúzilik balalar kúnin merekeleýdiń mańyzdylyǵyn, jasóspirimderdiń quqyqtyq bilimin, BUU Bas Assambleıasynyń 1989 jyly 20 qarashada qabyldaǵan Bala quqyqtary týraly Konventsııasynyń negizgi erejeleri boıynsha bilim deńgeıin arttyrý.
Aǵymdaǵy jyly dekada qarsańynda «Zorlyq-zombylyqsyz balalyq shaq» keń aýqymdy naýqany ótkiziledi. Osy kúni QR BǴM Balalardyń quqyqtaryn qorǵaý komıteti «Bizdiń únimiz» atty balalar baspasóz-ortalyqtarynyń on-laın rejımdegi respýblıkalyq forýmyn ótkizip, osynyń aıasynda Ulttyq eriktiler júıesiniń jetekshisi Vera Kım «On-laın Eriktiler bastamasy» taqyrybynda sheberlik-synybyn júrgizedi.
Onkúndik barysynda semınarlar, dóńgelek ústelder, qaıyrymdylyq aqtsııalaryn ótkizý, kınoteatrlar, oıyn-saýyq oryndary men sporttyq keshenderin aralaý, sonymen qatar, ata-analar, ÚEU, balalar jáne jastar uıymdary, eriktiler toptary músheleriniń qatysýymen aýqymdy is-sharalar uıymdastyrýy josparlanýda.
Іs-sharalar Mádenıet úıleri, Oqýshylar saraıy jáne kitaphanalarda vıktorınalar men baıqaýlar ótkizilýimen, fılmderdiń, beınerolıkterdiń kórsetilýimen súıemeldenedi.
