Dúnıejúzilik Amsterdam marafonynda qazaqstandyq stýdent úzdikter qataryna endi
ASTANA. 30 qzan. QazAqparat - Nıderlandyda «Dúnıejúzilik Amsterdam marafony» ótip, onda QR UQK Shekara qyzmeti Akademııasynyń 4 kýrs stýdenti Isa Nazarbaev joǵary óner kórsetip, nátıjesinde júgirýden eń úzdik 100 sportshynyń qataryna endi.
Bul týraly QR UQK ShQ baspasóz qyzmetinen habarlady.
Atalǵan marafonǵa dúnıe júziniń ártúrli elderinen 40 000-ǵa jýyq sportshy qatysty. Osyndaı halyqaralyq arenada 21 jasar jigit jaqsy nátıje kórsetip, medalmen marapattaldy.
Amsterdamǵa baratyn joldamany shekarashy-sportshy Isa Almaty qalasynda ótken «Ekinshi qaıyrymdylyq marafonyna» qatysyp, jeńip alǵan bolatyn. Ol kezde 42 shaqyrym 195 metrge júgirip, áýesqoılar arasynda aldyna jan salmady.
Amsterdam marafony sonaý 1975 jyldan beri qaraı jyl saıyn qazan aıynda ótkizilip keledi. Eýropalyq marafon óziniń bedeli jaǵynan álemdegi eń úzdik ondyqtyń qataryna enedi. Ásirese, óziniń kóz tartatyn jolymen erekshelenedi, bıylǵy jyly ol Memlekettik kórkemóner mýzeıiniń qaq ortasynda, ıaǵnı, Amsterdamnyń ortalyǵyn ońtústik bóligimen jalǵastyryp jatqan ataqty ótkelde ótkizildi. Budan myńdaǵan qatysýshylar tamasha tájirıbe jınaqtady dep aıtýǵa bolady.
