Dúnıejúzi qazaqtarynyń V quryltaıyna qatysýshylar Býrabaıda bas qosty
KÓKShETAÝ. QazAqparat - Aqmola oblysynyń Býrabaı aýdanynda Dúnıejúzi qazaqtarynyń V quryltaıy ótti, dep habarlaıdy «QazAqparat» HAA tilshisi.
Elbasy Nursultan Nazarbaevtyń «Nurly kósh» baǵdarlamasy aıasynda Atameken aýyly aýmaǵynda «Qut meken - Atajurtqa oralǵandarǵa - 25 jyl...» atty taqyryppen ótken sharaǵa Astanadan kelgen qonaqtar men Býrabaı aýdanynyń ákimi Qanat Qaraýylov qatysyp, quttyqtaý sóz sóıledi.
Toıda kóp bala ósirip, tárbıelegen analar «Altyn alqa» jáne «Kúmis alqa» ıegerleri aýdan ákiminiń Alǵys hatymen marapattaldy.
Sharada jergilikti kórkemónerpazdar ujymdarynyń kontserttik baǵdarlamasy men alaman-báıge, kunan báıge, kókpar tartys, qyz kýý, qazaqsha kúres tárizdi ulttyq sport oıyndarynyń jarysy ótip, úzdikteri marapattaldy. Sondaı-aq, etnoaýyl, aqyndar aıtysy men qoldanbaly óner sheberleriniń kórmesi de toı qonaqtarynyń qyzyǵýshylyǵyn arttyrdy.
