Dúnıejúzi qazaqtarynyń ІÚ Quryltaıy kelesi jyly ótetin boldy
ALMATY. Qyrkúıektiń 14-i. QazAqparat /Ádilet Musahaev/ - Dúnıejúzi qazaqtarynyń ІÚ Quryltaıynyń ótkizilý merzimi belgili sebepterge baılanysty ózgeristerge tústi,
dep habarlaıdy QazAqparat Dúnıejúzi qazaqtary qaýymdastyǵynyń baspasóz qyzmetine silteme jasap.
Elordamyz Astana qalasynda bıylǵy jyly dúnıejúzi elderiniń memleket basshylary, mınıstrlik ókilderiniń qatysýymen túrli halyqaralyq sharalar ótedi dep josparlanýda. Bizdiń el EQYU-nyń tóraǵasy retinde osy sharany uıymdastyrýdy óz mindetine alyp otyr.
2010 jyldyń 1-2-shi jeltoqsanynda Astana qalasynda memleket tarıhynda tuńǵysh ret Ortalyq Azııa elderi basshylarynyń qatysýymen EQYU-nyń sammıti ótedi. Bul memleket úshin de, elimizdiń árbir azamaty úshin de bıylǵy jylǵy basty oqıǵa bolatyny sózsiz. Osy jaǵdaılardy eskere otyryp, Dúnıejúzi qazaqtarynyń qaýymdastyǵy atalmysh Quryltaıdy kelesi jyly, Qazaqstan Táýelsizdiginiń 20 jyldyǵyna oraılastyrýdy uıǵarǵan.
1992 jyly Almaty qalasynda ótken Dúnıejúzi qazaqtarynyń І Quryltaıynda elimizdiń tuńǵysh Prezıdenti N.Á.Nazarbaev sheteldegi qazaq dıasporasymen tyǵyz baılanys ornatý, kóshi-qon saıasatynyń negizinde olardy tarıhı otanyna shaqyrý osy Táýelsizdigimizdiń arqasynda júzege asýda degen bolatyn. Sondyqtan da Dúnıejúzi qazaqtarynyń ІÚ Quryltaıy Qazaqstan Respýblıkasynyń Táýelsizdigine 20 jyl tolý mereıtoıyna arnalyp, 2011 jyly uıymdastyrylmaq.
