Dúnıejúzi qazaqtary quryltaıynyń keńsesi Almatydan Astanaǵa kóshiriledi

ASTANA. QazAqparat - Dúnıejúzi qazaqtary quryltaıynyń keńsesi Almatydan Astanaǵa kóshiriledi. Bul týraly búgin elordadaǵy Táýelsizdik saraıynda ótip jatqan Dúnıejúzi qazaqtarynyń V quryltaıynda Qazaqstan Prezıdenti Nursultan Nazarbaev aıtty, dep habarlaıdy QazAqparat.

"Quryltaıdyń ofısin Almatydan Astanaǵa  kóshiretin ýaqyt keldi. Basshylardyń janynda bolýy kerek", - dep atap ótti Memleket basshysy.

Qazaqstan Prezıdenti aldaǵy ýaqytta qurylatyn "Otandastar" qory Dúnıejúzi qazaqtarynyń qaýymdastyǵymen birlesip, otandastarǵa jan-jaqty qoldaý men kómek kórsetý  is-sharalaryn anyqtap, keshendi baǵdarlama ázirleýi kerektigin basa aıtty.

"Ol baǵdarlamada qazaqtyń kóshi men alystaǵy aǵaıynmen baılanystyratyn barlyq máselelerdi qamtýymyz kerek. Baǵdarlamanyń basymdyqtary men mindetteri qor arqyly  iske asyrylatyn bolady", - dedi Nursultan Nazarbaev.