Dúnıejúzi qazaqtary qaýymdastyǵynyń jańa basylymdary jaryqqa shyqty

Bul týraly Dúnıejúzi qazaqtary qaýymdastyǵynyń baspasóz qyzmeti habarlaıdy. 
Solardyń ishindegi jańa basylym - «Qazaq kóshi - qazaqtyń qaýymdasýy». Bul Qazaqstan Respýblıkasy Prezıdenti muraǵaty qujattarynyń jınaǵy, onda Dúnıejúzi qazaqtary qaýymdastyǵynyń qurylýy men qyzmeti, qazaq dıasporasynyń áleýmettik-ekonomıkalyq jáne mádenı damý máseleleri, etnıkalyq kóshi-qon, qazaqstandyq qoǵamǵa 1991-2012 jyldar ishinde oralmandardyń beıimdelýi men qalyptasý kezeńderi kórsetilgen.
Jınaqqa qazaq jáne orys tilderinde barlyǵy 213 qujat engen. Onyń ishinde QR Prezıdentiniń qaýlylary, jarlyqtary, baıandamalary men úndeýleri, QR Úkimetiniń qaýlylary jáne QR Premer-mınıstriniń ókimderi, QR Premer-mınıstriniń, memleketik organ basshylarynyń QR Prezıdentine, QR Prezıdenti Ákimshiliginiń basshysyna, QR Prezıdenti janyndaǵy Bas baqylaý ınspektsııasyna kóshi-qon saıasaty, oralmandardy ornalastyrý men beıimdelýi jaǵdaıyna baılanysty memleket basshysynyń tapsyrmalaryn oryndaý barysy jaıly hattary, baıandamalary men esepteri bar. Jınaqqa 11 hat, úndeýler, Germanııa, Shvetsııa, Túrkııa, Mońǵolııa, Qyrǵyzstan, Reseı, ıAkýtııadaǵy qazaq mádenı ortalyqtarynyń quryltaı qararlary kirdi.
«Qazaq dıasporasymen jan-jaqty baılanystyń órkendeýinde, shetelderdegi etnıkalyq qazaqtardyń tarıhı otanyna qonys aýdarýy jáne halyqtyń birigýi jolyndaǵy Qazaqstan Prezıdenti Nursultan Ábishuly Nazarbaevtyń aıtýly rólin Qazaqstan Respýblıkasy Prezıdenti Muraǵaty qoryndaǵy qujattar kómegimen ashyp kórsetýdi maqsat ettik» - deıdi jınaqty qurastyrýshylar.
Basylym QR Mádenıet jáne aqparat mınıstrligi Til komıtetiniń qoldaýymen shyǵarylǵan.
Sondaı-aq, qaýymdastyq taratqan aqparatta QR Mádenıet jáne aqparat mınıstrliginiń memlekettik tapsyrysy boıynsha sheteldegi qazaq aqyn-jazýshylarynyń 12 kitaby jaryqqa shyqqandyǵy týraly aıtylady. Olardyń arasynda Kákeı Jańjuńulynyń «Jaýqazyn» atty jyr jınaǵy, Tápeı Qaıysqannyń «Sekseýildiń shoǵy» atty óleńder jınaǵy, Qoıshybek Múbáraktiń «Jat qushaq» atty mıstıkalyq áńgimeler jınaǵy jáne taǵy basqa kóptegen kitaptar bar.
Dúnıejúzi qazaqtarynyń IV quryltaıy qujattary men materıaldary engen «Ulttyń uly jıyny» atty kórkem bezendirilgen basylym, El Prezıdenti N.Á. Nazarbaevtyń bastamasymen 1992 jyly qurylǵan Dúnıejúzi qazaqtary qaýymdastyǵynyń 20 jyldyǵyna arnalǵan «Týǵan til» almanaǵy men «Altyn besik» jýrnalynyń arnaıy sandary daıyndaldy.
«Samuryq-Qazyna» Ulttyq ál-aýqat qory» AQ-nyń demeýshilik kómegi esebinen «Qazaqstan qoǵamynyń damýyna qandastarymyzdyń qosqan úlesi: Dúnıejúzi qazaqtary qaýymdastyǵynyń qurylýynyń 20 jyldyǵyna oraı ótkizilgen respýblıkalyq ǵylymı-praktıkalyq konferentsııa materıaldary» jaryq kórdi.
Jańa basylymdar osy jyldyń 12 qazan kúni Til komıtetiniń qoldaýymen ótetin «Etnıkalyq qazaqtardyń repatrıatsııasy Qazaqstan memleketi kóshi-qon saıasatynyń quramdas bóligi retinde: jetistikteri men máseleleri jáne olardy sheshý joldary» atty Halyqaralyq ǵylymı-praktıkalyq konferentsııanyń qatysýshylaryna tanystyrylady. Onyń jumysyna 20 elden keletin qazaq mádenı ortalyqtarynyń basshylary, sondaı-aq Qazaqstan ǵalymdary, ustazdary, murajaı qyzmetkerleri qatysady.