Dúnıejúzi boıynsha árbir 5-shi áıel bedeýlik dertine ushyraıdy - S.Baıqoshqarova
ASTANA. QazAqparat - Dúnıejúzi boıynsha árbir 5-6-shy áıel bedeýlik máselesine tap bolady. Olardyń arasynda bir perzentke zar bolyp júrgen otbasylarmen qatar, 2-3 balasy bar, biraq, kelesi balasyn kótere almaı júrgen analar da bar.
Bul týraly búgin OKQ brıfınginde QR Prezıdenti janyndaǵy Áıelder isi jáne otbasy-demografııalyq saıasat jónindegi ulttyq komıssııanyń múshesi, Adam urpaǵyn órbitý ortalyǵynyń dırektory Saltanat Baıqoshqarova aıtyp berdi.
"Bedeýlik máselesi árıne, dúnıejúzi boıynsha da, bizdiń elimizde de ózekti másele. Onyń ústine, jyldan jylǵa azaıyp ta jatqan joq. Onyń sebepteri, óıtkeni oǵan barlyq faktorlar - psıhoologııalyq faktorlar da, ekologııalyq faktorlar da sebep. Jáne de qazir men aıtyp júrgen áleýmettik bedeýlik máselesin de umyt qaldyrmaýymyz kerek. ıAǵnı, ana bolý, áke ataný baqytyn keıinge shegerip qoıatyn otbasylar bar",-deıdi S.Baıqoshqarova.
Bilikti mamannyń aıtýynsha, bala súıý úshin onyń ortalyǵyna keletin áıelderdiń 70 paıyzynan astamy kezinde túsik jasatqan áıelder bolyp shyǵady eken.
"Dúnıejúzilik statıstıkaǵa súıensek, árbir besinshi-altynshy otbasy bedeýlik máselesine tap bolady. Biraq, olardyń arasynda bir perzentke zar bolyp júrgen otbasylarmen qatar, 2-3 balasy bar, biraq, kelesi balasyn kótere almaı júrgen analar bar. Bedeýlikpen kúresý tek dárigerlerdiń bas aýyrtatyn máselesi emes.
Taǵy aıta keterligi, bizde bedeý áıelderdiń 50 paıyzy densaýlyǵyna nemquraıly qaraǵan áıelder jáne bizge emdelýge keletin áıelderdiń 70-80 paıyzy kezinde jasandy túsik jasatqan kelinshekter. Sondyqtan, qyzdarymyzdyń qulaǵyna altyn syrǵa, jastaılaryńyzdan bolashaqta ulaǵatty ana bolsam dep armandańyzdar. Sonda ǵana bedeýlik másele azaıar",-degen úmitin jetkizdi dáriger.
