Dúnıejúzi boıynsha 12 mıllıon kompıýterge vırýs taratqan kompıýterlik haker tutqyndaldy
ASTANA. Shildeniń 28-i. QazAqparat - Slovenııada kompıýter hakeri tutqyndaldy. Oǵan dúnıejúzi boıynsha 12 mıllıondaı kompıýterdi zaqymdaǵan vırýstyq baǵdarlama jasady,
birneshe korporatsııalardyń júıesine zańsyz endi degen aıyptar taǵylýda, dep habarlaıdy Associated Press agenttigi.
Ol «danyshpan» - Slovenııanyń 23 jastaǵy azamaty bolyp shyqty, laqap aty - Iserdo. Federaldyq tekserý bıýrosynyń aqparaty boıynsha, haker jergilikti quqyq qorǵaý organdarynyń, federaldyq bıýronyń jáne ıspan ókimetiniń qatysýymen uzaq ýaqyt boıy júrgizilgen tekserýdiń barysynda qolǵa túsken.
Iserdo, osydan 5 aı buryn ıspan polıtsııasy kompıýterlik alaıaqtyqtary úshin úsh hakerdi tutqyndaǵannan keıin tutylyp otyr. Bul toptyń músheleri Maripos bot-jelisi arqyly onlaın rejimde nesıe kartalaryn jáne bankterdiń tirkeý málimetterin urlaýmen aınalysqan.
Bot-jelisi degenimiz - vırýsqa shaldyqqan kompıýterler jelisi. Maripos bot-jelisi 2008 jyldyń jeltoqsan aıynda qurylǵan.
